ރައްޔިތުން އެދޭ ހެޔޮ ބަދަލު ގެނެވޭނީ ސަރުކާރު ކެންޑިޑޭޓުންނަށް: ރައީސް
އަައްޑޫ ސިޓީގެ ރައްޔިތުން ދެވަނަ ވިސްނުމަކަށް ދާންވީ ސަބަބެއް ނެތްކަމަށާއި، ސަރުކާރު ކެންޑިޑޭޓުން މިފަހަރު ރައްޔިތުންގެ މަޖިލީހަށް ހޮއްވަވަންވީ ވޭތުވެދިޔަ އަހަރުތަކުގައި ރައްޔިތުންނަށް ލިބިގެންދިޔަ މާޔޫސްކަން ފިއްލެވުމަށްކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
އައްޑޫ ސިޓީގެ ރައްޔިތުންނާއި ބައްދަލު ކުރައްވަން ރޭ ބޭއްވި ޖަލްސާގައި ވާހަކަދައްކަވަމުން ރައީސް ވިދާޅުވީ، އައްޑޫގެ ދާއިރާތަކަށް ސަރުކާރުގެ ފަރާތުން ވާދަކުރައްވާ ކެންޑިޑޭޓުންނާއި ރައްޔިތުން "ބަދަލަކަށް" މި ޝިއާރު ބޭނުން ކުރާތީ އެކަމުން ދޭހަވަނީ ރައްޔިތުން އުއްމީދު ކުރަމުންދާތާ ޒަމާންތައް ވެއްޖެކަންކަަމަށެވެ. އަދި ހުވެފެނެއްގެ ތެރޭގައި ތިބޭތާ ޒަމާންތަކެއްވެއްޖެކަން ހާމަވާކަމަށެވެ. އެ ހުވަފެން ހަގީގަތަަކަށް ހަދައިދޭނެ ކަމަށް ބަޔަކަށް ފުރުސަތު ދެމުންދާތާ ޒަމާންތަކެއްވެފައިވާކަމަށާއި، ނަމަވެސް ބޭނުންވި ކަންކަން ހާސިލްނުވާކަމަށް ރައީސް ވިދާޅުވިއެވެ.
"ބޭނުންވި ކަންކަމެއް ނުވިއޭ، އެހެންވީމަ ދެން ބޭނުންވަނީ އެކަން ބަދަލު ކުރަންށޭ، ނަތީޖާ ނެރެދޭނެ ބަޔަކަށް ފުރުސަތު ދޭންށޭ. އަޅުގަނޑު ދޭ ޔަގީންކަމަކީ އައްޑޫ ސިޓީގެ ރައްޔިތުން އަޅުގަނޑަށް އިތުބާރުކޮށް އަޅުގަނޑުމެންގެ އަށް ކެންޑިޑޭޓުން އެ ނަތީޖާ ނެރެދޭނަން. ރައީސް ވިދާޅުވިއެވެ.
ރައީސް ވިދާޅުވީ، ގެންނަން ޖެހޭނީ ހެޔޮ ބަދަލެއްކަމަށެވެ. ސަރުކާރުގެ ކެންޑިޑޭޓުންގެ ގޮތުގައި އައްޑޫގެ އަށް ދާއިރާއަށް ކުރިމަތިލާފައި ތިބީ ތެދުވެރިކަމާއި އަމާނާތްތެރިކަމާއި އެކީގައި ނަތީޖާ ނެރެދެއްވާނެ ބޭފުޅުންކަމަށްވެސް ރައީސް ވިދާޅުވިއެވެ.
"ދެވަނަ ވިސްނުމަކަށް ދާންވެސް ހައްދަވާނެ ކަމެއް ނެތް، މިއީކީއެއް އެއްވެސް ޕާޓީއަކަށް ނިސްބަތްވާތީ އެ ޕާޓީގެ ބޭފުޅުންގެ ވިސްނުމާއި ހިޔާލު ތަފާތުވާން ޖެހޭތީ ފިކުރު ބޮޑުވާންވީ ސަބަބެއް ނޫން، މިފަހަރު ހަގީގަތުގައިވެސް އައްޑޫ ސިޓީގެ މަސްހަލަތު އިސްކުރަންވީ" ރައީސް ވިދާޅުވިއެވެ.
ރައީސް ވިދާޅުވީ، ކޮންމެ ޕާޓީއެއްގައި ހުރި ނަަމަވެސް، ސަރުކާރުގެ ކެންޑިޑޭޓުން ހޮއްވަވާ ދެއްވުން ވާނީ، ވޭތުވެދިޔަ މާޒީގެ އުއްމީދު ކުރަމުން އައި ކަންކަން ނުވެ ދިޔަ ދިޔުން ނިމުމަކަށް ގެނެސްދޭނެ ނިންމުމަަށްކަމަށެވެ.
"އެހެންވީމަ އެންމެން އެކަތިގަނޑަކަށް ވެގެން އަޅުގަނޑުމެންގެ އަށް ބޭފުޅުން ހޮއްވަވާ ދެއްވަންވީ،އެއީ ކުރައްވަންވީ ކަމަކީ. 20 އަހަރު، 10 އަހަރު، 15 އަހަރު އެކި ބޭފުޅުންނަށް ފުރުސަތު ދެއްވައިފި. އެކަމަކު ކަންކަން ނުވެދިޔައިމަތޭއޭ ތިޔަބޭފުޅުން މާޔޫސްވެ ވަޑައިގެން ތިއްބެވީ" ރައީސް ވިދާޅުވިއެވެ.
ވެވަޑައިގެން ކޮން3ެ ވައުދަކީ އިހުލާސްތެރިކަމާއިއެކު ވެވަޑައިގެން ވައުދެއްކަމަށް ފާހަގަކޮށް ރައީސް ވިދާޅުވީ، އެމަނިކުފާނު ބޭނުންފުޅުވީ ރައްޔިތުން އިތުބާރު ކުރައްވައިފިނަމަ ހަގީގަތުގައިވެސް ނަތީޖާ ނެރެދެއްވުންކަމަށެވެ.
"އަޅުގަނޑަށް މެޓާ ވަނީ ހަމައެކަނި ރިޒަލްޓް، ރިޒަލްޓް އޮރިއެންޓެޑް ގަވަމެންޓެއް ގާއިމް ކޮށްދޭނަމޭ އަޅުގަނޑު ދެންނެވީ ނަތީޖާއަށް ފޯކަސްކޮށް ނަތީޖާ އެކަނި ނެރުމުގައި މަސައްކަތް ކުރާ ސަރުކާރެކޭ އަޅުގަނޑު ބޭނުންވަނީ ހިންގަން. އެންމެ ދުވަހެއްވެސް އެންމެ ގަޑިއެއްވެސް މި ސަރުކާރުން ބޭކާރެއް ނުކުރަން. ރައްޔިތުންނަށް ވީ ވައުދުތައް ފުއްދެވުމުގައި ނޫނިއްޔާ އަޅުގަނޑުމެންގެ އެއްވެސް ބޭފުޅަކު ވަގުތެއް ހޭދައެއް ނުކުރައްވާ، އެހެންވީމަ އައްޑޫ ސިޓީގެ ރައްޔިތުން މިކަމާ ވިސްނަންވީ، މުޅި ރާއްޖޭގެ ރައްޔިތުންވެސް މިކަމާއި ސީރިއަސްކޮށް، ވިސްނާވަޑައިގަންނަވަންވީ" ރައީސް ވިދާޅުވިއެވެ.
ކޮމެންޓް
އެއްވެސް ކޮމެންޓެއް ނެތް
