ހުދު އެމްޑީޕީގެ ސަޕޯޓަރުންވެސް ގޯސްތަކެއް ހެދިއްޖެކަމަށް ގަބޫލުކުރޭ!
މަޖިލީސް އިންތިހާބުގެ ނަތީޖާައަށްފަހު ރައްޔިތުން ރައީސް މުއިއްޒުއަށް ހަގީގަތުގައިވެސް އާއެކޭ ބުނެފިކަން ޔަގީނެވެ. އެމްޑީޕީގެ މެޖޯރިޓީ އޮތް މަޖިލީހުގައި ތިބި ދެތިން މެންބަރެއް ފިޔަވާ އެންމެން ބޭރުކޮށް، ޕީއެންސީއިން މަޖިލީހަށް ވަދެއްޖެއެވެ. ރައްޔިތުން ދިނީ ސުޕަ މެޖޯރިޓީއެވެ.
ރިޔަސީ އިންތިހާބުގެ ބޮޑު ބައްޔާއި، މަޖިލީސް އިންތިހާބުގެ ބޮޑު ބައްޔާއިއެކު ފެނިގެން ދިޔައީ ހުދު އެމްޑީޕީގެ ސަޕޯޓަރުން އެމްޑީޕީއަށް ގޯހެއް ހެދިއްޖެކަމަށް ބުނަމުން ދިޔަ މަންޒަރެވެ. ބެލެވޭ ގޮތުގައި އެ ދައްކަނީ ރައީސް އިބްރާހީމް ކުރި އަނިޔާވެރި ވެރިކަމުގެ ވާހަކައެވެ.
ހިންގިހާ ކޮރަޕްޝަނާއި، ކުރިހާ ވައްކަމުގެ ވާހަކައެވެެ. އަދި ޕާޓީގެ ލީޑަރޝިޕަަސް ރަނގަޅު މަސައްކަތްތަކެއް ޕާޓީގެ އާންމު މެންބަރުން، އަދި ކިއެއްތަ ރައްޔިތުންނަށްވެސް ނުކޮށްދެވުނުކަމުގެ ވާހަކައެވެ.
ޕާޓީގެ ފަރާތުން އެތައް ދާއިރާއަކަށް މެންބަރުން ނެރުމުން، ދެތިން މެންބަރުން އިންތިހާބުވީމައި ސާބިތުވަނީ ހަގީގަތުގައިވެސް ދިވެހި ރައްޔިތުން އެމްޑިޕީ ބަލައިނުގަންނަ މިންވަރެވެ.
މިދިޔަ ފަސް އަހަރު ވެރިކަމުގައި އޮވެ، އަދި މަޖިލީހުގެ މެޖޯރިޓީ އޮތީ އެ ފަސް އަހަރު ރައްޔިތުންގެ ތާއީދު އެމްޑީޕީއަށް އޮތީތީއެއް ނޫނެވެ. ބާރުތައް މުށު ތެރެއަށް ލައްވައިގެން ތިއްބެވީމައެވެ.
ރައީސް މުއިއްޒު ވެރިކަމަށް އަރާ ދެއްކެވި ސާބިތުކަމުން ރައީސް އިބްރާހީމް ވާހަކައެއް ދެއްކީމައި ކަހާތަން ހިރުވާލާނެ ދިވެއްސަކުވެސް ނެތެވެ. އަދި ރައްޔިތުންނަށް ދެއްވިހާ އިންޒާރުތައް ކޮބައިތޯއެވެ. ތަރައްގީ ހުއްޓާލާނެކަމަށާއި، ވަޒީފާގެ ބިރު ދައްކާނެކަމަށާއި، ރައްޔިތުން ބާކީ ކޮށް، ސިޔާސީ ވެރިން ޖަލަށްލާ ބިރުވެރިކަމާއި ނަމާކަން އިޔާދަ ވާނެކަމަށަ ވިދާޅުވެ، ރައްޔިތުންނަށް ދެއްވި އިންޒާރުތަކަކީ ޖޯކެއްކަން ރައްޔިތުންނަށްވެސް އެގެއެވެ.
ސިޔާސީ މަންފާއަށް އެމްޑީޕީއިން ޖަހާ މަޅިގައި ރައްޔިތުންނެއް ދެނެއް ނުޖެހޭނެވެ.
ކޮމެންޓް
އެއްވެސް ކޮމެންޓެއް ނެތް
އިތުރު އާޓިކަލް
