އުފަން ރަށުގެ އިތުބާރުވެސް ސާލިހަށް ނެތް!
ރައްޔިތުންގެ މަޖިލިހުގެ އިންތިހާބުގައި ކުރީގެ ރައީސް އިބްރާހިމް މުހައްމަދު ސާލިހްގެ އުފަން ރަށް ޅ. ހިންނަވަރުގެ ގޮނޑި އެމްޑީޕީ އަށް ގެއްލިއްޖެއެވެ.
ހިންނަވަރު ދާއިރާއަށް ކުރިމަތިލެއްވީ އެ ދާއިރާގެ މިހާރުގެ ވެސް ކެންޑިޑޭޓު ޖީހާން މަހުމޫދާއި ވެރިކަން ކުރާ ޕީއެންސީ މުހައްމަދު އަބްދުއްރަހުމާން އަދި އަމިއްލަ ގޮތުން ވާދަކުރެއްވި އަބްދުއްސަލާމް މޫސާއެވެ.
މިހާރު ގުނިފައިވާ ފޮށިތަކުގެ ތެރެއިން ވަގުތީ ނަތީޖާ ދައްކާގޮތުން، ކުރީގައި އުޅެނީ ސަރުކާރު ހިންގާ ޕާޓީގެ ކެންޑިޑޭޓު މުހައްމަދު އަބްދުއްރަހުމާނެވެ.
އެގޮތުން ހިންނަވަރުގެ އެއް ނަންބަރު ފޮށިން މުހައްމަދު އަށް 193 ވޯޓު ލިބިވަޑައިގެންނެވި އިރު، ޖީހާން މަހުމޫދަށް ލިބިވަޑައިގަތީ 81 ވޯޓެވެ. އަދި އަބްދުއްސަލާމަށް 56 ވޯޓު ލިބިވަޑައިގެންފައިވާ އިރު، މި ފޮށީގައި ބާތިލު ފަސް ވޯޓު ހިމެނެއެވެ.
ހިންނަވަރުގެ ދެވަނަ ވޯޓު ފޮށިން މުހައްމަދަށް 122 ވޯޓު، ޖީހާނަށް 89 ވޯޓު، އަދި ސަލާމަށް 75 ވޯޓު ވަނީ ލިބިވަޑައިގެންފައެވެ. ހިންނަވަރުގެ ހަތަރު ނަންބަރު ފޮށިން މުހައްމަދަށް 160 ވޯޓު، ޖީހާނަށް 118 ވޯޓު، ސަލާމަށް 101 ވޯތު ވަނީ ލިބިވަޑައިގެންފައެވެ. މި ފޮއްޓަށް ޖުމްލަ 382 މީހަކު ވޯޓުލާފައިވާއިރު ބާތިލް ތިން ވޯޓު ހިމެނެއެވެ.
ހިންނަވަރު ފަސް ނަންބަރު ވޯޓުފޮށިން މުހައްމަދަށް 174 ވޯޓު، ޖީހާނަށް 103 ވޯޓު، އަދި ސަލާމަށް 88 ވޯޓު ވަނީ ލިބިވަޑައިގެންފައެވެ. ހުޅުމާލެ ފޭސް 2 ގައި ބަހައްޓާފައިވާ ފޮށިން މުހައްމަދަށް 57 ވޯޓު، ޖީހާނަށް 27 އަދި ސަލާމަށް 42 ވޯޓު ވަނީ ލިބިވަޑައިގެންފައެވެ. މި ފޮށީގައިވެސް ފަސް ވޯޓު ބާތިލެވެ.
ކޮމެންޓް
އެއްވެސް ކޮމެންޓެއް ނެތް
